کِلِکا( دختر ) شعر ترانه محلی به گویش تاتی رودباری از آقای مجید محمدی دارستانی

بنام خداوباعرض سلام
ترانه محلی یادایام تقدیم
دوست داران شعرمحلی
می گردد
چقدرتومهربونی کلکا
خوشگل و شیرین زبونی کلکا
ته چمون چراغ جادویا مونه
مه دل آروم جونی کلکا

ته دس ودهون قربون کلکا
ته دل وزبون قربون کلکا
سیب خلخال مونه ته گل دم
ته گل دمون قربون کلکا

بیا دس به دس بگیرم کلکا
وشتنا ازسربگیرم کلکا
وشتن وشادی چقد صفا داره
من وتوواپربگیرم کلکا

منا سر به سر نه ی ویره ترا
آها پشت سر نه ی ویره ترا
تراویره لی لی بازی کردمه
پابرهنه گل بازی کردمه

ته دل و مه دل مثال آیینه به
ته کوچی دهون گلاب وواینه به
ته نگاه و ته صدا وای ندونی
مه جون قوت وباغ آیینه به

پاچین گل گلی ومخمل پیرهن دکنی
دستمال کودریا ته خوشگل سردکنی
دستمال ترمه طلا باسکه های اشرفی
چه قشنگ آبسی وروسری یاسردکنی

روبار آب وهواچقد قشنگه کلکا
روبار کوه وکمرخوش آب ورنگه کلکا
بیا بال به بال بگیرم بزنم کوه وکمر
امه روباراچاکنم گل هف رنگ کلکا

خداقسمت بکنه شیروشکراُرُم تره
اگه قابل بدونی قندو عسل اُرُم تره
یتا دسمال ی تاچادر حلقه انگشتری
نون شیرمال چاکنم عین عسل اُرُم تره

ته نجابت ته صداقت ته چمونادوس داروم
ته شوی شلار مخمل ته ادونادوس داروم
ته قط درمابگوته قدامن طلا گیروم
حلقه نامزدی وته اودسونادوس داروم

اسپرولب من وتوامسال بهار وا بدوم
رقص وآوازبخونم به دشت و صحرا بدوم
گل سنبل بچینوم ته زلفون سر بزنم
دوتا مرگیجه به بم به سوی فردا بدوم

من ته اونازوادای بمیرم
ته چمون باوفای بمیرم
کلکا خنده بکن شادی بکن
من ته اومهرووفای بمیروم

خداجون قسمت بکن مه دل به دلبربرسه
مه امیدوآرزومه یارجون وربرسه
خوشگل چمون همرامنا پیدابکنه
مه گل تمارزو یواش یواش سر برسه

بااحترام وسپاس گزاری
مجید محمدی دارستانی